為左遲上車嘅老公 孕婦霸位拒讓坐

原來東鐵頭等可以劃位架~?

為左遲上車嘅老公 孕婦霸位拒讓坐

真心想討論一下搭港鐵應有嘅態度

是咁的,頭先放工搭港鐵打算返屋企,紅磡總站上車,普通等太多人,咁諗住俾貴少少坐頭等,可以坐下休息下啦!

行到入車箱行埋圖中放左手袋嗰個位旁邊時,我就同呢位女士講左聲「唔好意思!」示意想坐低,跟住佢好似講「有人!」不過我聽唔清楚我就「嚇?」左一聲,佢再㩒住個袋話「有人呀!」

為左遲上車嘅老公 孕婦霸位拒讓坐

我以為自己聽錯就話「嚇?有人?」跟住望下周圍,其實都冇人準備行埋黎坐,不過我都諗住坐左另一個位咪算囉!

點知佢一直都用好討厭嘅目光啤住我,直至架車去到旺角東,佢電話裡面通話中嘅老公上車,個男人行埋個位之前仲有個阿嬸想坐落去,不過俾佢

啤走左!

為左遲上車嘅老公 孕婦霸位拒讓坐

就係咁,全程車佢都西口西面啤住我,佢老公係咁搓佢個肚問佢乜事

佢話冇野!好嬲咩?

其實我想話我都好嬲囉!我都俾足車費搭車架囉!

 

 

正當各地公共交通工具的讓座風波愈鬧愈大之際,港鐵就上演孕婦硬霸頭等車廂兩座位鬧劇,事件在網上引起熱鬧討論,幾乎一面倒批評該孕婦無品,高呼「大肚婆大曬咩?」,指她為肚內BB做了最差的「胎教」。

 

網民YuenYee Li在facebook貼文指,昨日(4日)放工時段搭港鐵東鐵線列車,由紅磡站上車回家,並加錢到頭等車廂,「諗住坐得舒服啲休息嚇」,事主其後發現一名孕婦身旁有「吉位」,欲坐下時看到孕婦的手袋放在位上,事主於是向孕婦示意想坐下,惟對方竟回稱該座位「有人」,事主感到莫名其妙,最終改坐孕婦對頭面向面的座位。事主最後得知,原來該孕婦霸位是留給下一站旺角東上車的丈夫,最令事主氣結,是孕婦在全程車怒目相向,「佢一直都用好討厭嘅目光啤住我」,令事主大感無奈,亦不滿對方以為「大肚大曬」,坦言「其實我都好嬲囉!我都畀足車費搭車㗎!」

 

事件引發近千名網民留言譴責該孕婦行為,亦有人希望她懂得反省,為自己未來作為母親一職做好榜樣。有網民指「你估酒樓茶餐廳咩,咁都有得霸位,傻的嗎?」亦有人指「唔係大唔大肚問題,而係佢(孕婦)態度問題,點解仲要啤啤貢?」

 

網民有話說

 

Ada Lee:人品無得教㗎!社會文化風氣就係畀佢呢種人敗壞曬!

 

為左遲上車嘅老公 孕婦霸位拒讓坐

Alicia Yen:大肚大曬咩?個位妳買㗎?

 

Leopoldo Lam:大肚定大肚腩?有孕係咪可以坐兩個位?

 

Kitkeung So:根本唔使理佢,照坐落去。

 

Eddie Hui:好眉好貌XXX


文章來源

來源:cocomy.net